MUDATHIR WA MGAMBO ATABIRIWA MAKUBWA NA KOCHA WAKE WA ZAMANI. - 15 February 2016

Kocha wa makipa wa timu ya KMKM Salum Ali “Chulas” haamini kama mlinda mlango wake wa zamani Mudathir Khamis kuwa kiwango kimeshuka kwa sababu hajacheza mechi hata moja alipokuwa Yanga mwanzoni mwa msimu huu kabla ya kumuwacha na kujinga na Mgambo Shooting.

“ Mimi siwezi kukubali kuwa kiwango cha Muda kimekufa, alipokuwa Yanga hajapata nafasi kwasababu wapo Makipa bora, lakini sasaivi atangara tu akiwa na Mgambo Shooting”.

Wakati huo huo kocha wake huyo wa zamani pia anaamini Mudathir huwenda akaja kuchezea tena timu kubwa za Tanzania ikiwemo Yanga alipoachwa na mwisho wake hadi kudakia Taifa Stars.

“ Timu kubwa za Tanzania zitamuhitaji tu baadae Mudathir, hasa awo Yanga walomuacha kwasababu ni hodari na hata siku moja atakuwa Tanzania one ndani ya timu ya Taifa”. Alisema Salum ambae pia aliwahi kuwa mlinda mlango wa Malindi, KMKM na Zanzibar Heroes.

Mudathir tayari ameshanza kuidakia timu yake mpya ya Mgambo Shooting michezo kadhaa ambapo hata katika mchezo uliopigwa February 3 mwaka huu alikaa yeye langoni walipopigwa 5-1 na Simba kwenye mchezo wa ligi kuu soka Tanzania Bara ambapo akionekanwa matumaini yakufanya vizuri yanafufuka kufuatia kuwa kama mzigo mzunguko wa kwanza alipokuwa akikipiga Yanga tofauti alipochukuliwa kwa shangwe akiwa kipa namba moja katika klabu ya KMKM.