Mshikemshike wa ligi kuu soka visiwani Zanzibar kanda ya Unguja, leo ukiendelea katika kiwanja cha Amani kwa mzunguko wake wa pili ambao ni wa lala salama, Jang’ombe boys watamenyana na Timu ya Kimbunga leo jioni ndani ya dimba la Amani.

Katika mchezo wa awali walipokutana Jang’ombe walikubali kufungwa na Kimbunga mabao 2-1, mchezo ambao Jang’ombe walikuwa ugenini.

Timu ya Jang’ombe wataingia uwanjani wakiwa na alama kumi na sita (16), nafasi ya nane (8),wakiwa wameshacheza michezo kumi na mbili (12), huku wakiwa na mchezo wao mmoja wa kiporo.

Wakati Kimbunga wao wataingia uwanjani wakiwa washacheza michezo kumi na tatu (13), wapo nafasi ya kumi (10), na alama zao ni kumi na nne (14).

Je? Leo Jang’ombe boys watalipiza kisasi hicho wakiwa katika uwanja wa nyumbani?